నేటి నుంచి పట్టాభిరాముడి బ్రహ్మోత్సవాలు

నేటి నుంచి పట్టాభిరాముడి బ్రహ్మోత్సవాలు
తిరుపతి , ఏప్రిల్ 7 :
వాల్మీకిపురంలో వెలసి ఉన్న పట్టాభిరామాలయంలో గురువారం సాయంత్రం అంకురార్పణతో బ్రహ్మోత్సవాలు ప్రారంభం కానున్నాయి. 8వ తేదీ ధ్వజారోహణం, గజవాహనసేవ, 9న హనుమంత వాహనంపై నగరోత్సవం, 10న సింహవాహన సేవ, 11న శేషవాహనంపై నగరోత్సవం, 12న మోహినీ అవతార ఉత్సవం, 13న శ్రీసీతారాముల కల్యాణోత్సవం, గరుడ వాహన సేవ, 14న రథోత్సవం, ధూళి ఉత్సవం, 15న పార్వేట ఉత్సవం, అశ్వవాహన సేవ, 16వ తేదీన వసంతోత్సవం, హంసవాహన సేవ, ధ్వజావరోహణంతో బ్రహ్మోత్సవాలు ముగుస్తాయి.
స్థల పురాణం
ఈ ఆలయం ఉన్న ప్రదేశంలో సీతారామ, లక్ష్మణ, భరత శతృఘ్న విగ్రహాలు పుట్టలో నుంచి బయల్పడ్డాయని చెబుతారు. సంస్కృతంలో వల్మీకం అంటే పుట్ట అని అర్థం. అందుచేతనే వాయల్పాడు గ్రామాన్ని పూర్వం వాల్మీకిపురం అని పిలిచేవారు. బోయలు ఎక్కువగా ఉండడంతో బోయలపాడు, వావిల (చింత) చెట్లు అధికంగా ఉండడం వల్ల వావిలపేట, వావిల్‌కపహాడ్ అని ఈ గ్రామానికి రూపాంతరాలు ఉన్నాయి. 

మూల విరాట్ వైభవం 
పట్టాభిరామాలయం ఉత్తర ముఖంగా ఉంది. శ్రీరాముడు శివభక్తుడు కావడంతో వాల్మీకిపురం శివకేశవ అభేద క్షేత్రంగా విరాజిల్లుతోంది. శ్రీరాముడి చేతిలో ఖడ్గం ఉండడం వల్ల శ్రీరాముని ప్రతాప రాముడుగా పిలుస్తారు. తొలి వాగ్గేయకారుడు తాళ్ళపాక అన్నమాచార్యులు రచించిన కీర్తనల్లో కూడా ‘‘వితత వావిల పాటి వీర ప్రతాప రామ’’ అనే సంబోధన ఉంది. అన్నమయ్య కూడా దాదాపు 32 కీర్తనలు పట్టాభిరాముడిపై రచిం చారు. 

రాజగోపురం, మహాద్వారం శ్రీకృష ్ణదేవరాయల శిల్పి శైలి తోనూ, మూల విరాట్ విమానం చోళ శైలిలోనూ నిర్మించారు. రెడ్డిరాజుల పాలన, ఆంగ్లేయుల పరిపాలనలోనూ ఈ దేవాలయం ఎంతో విరాజిల్లింది. కడప కలెక్టర్ హార్డ్‌హార్డింగ్ 1950వ సంవత్సరంలో ఇక్కడి పట్టాభిరామ ఆలయాన్ని దర్శించారు. ఆయనకు గల దీర్ఘవ్యాధి ఉపశమించడంతో ముఖ మండపాన్ని నిర్మించారు. ఆలయంలో ఈ మండపంపై హార్డ్‌హార్డింగ్ పేరు నేటికీ మనకు కనిపిస్తుంది. 

అమ్మవారికి అధిక ప్రాధాన్యం
దేశమంతా శ్రీరామ నవమి రోజున సీతారాముల కల్యాణం నిర్వహిస్తారు. కానీ వాల్మీకిపురం పుణ్యక్షేత్రంలో అమ్మవారి నక్షత్రమైన ఆశ్లేష నక్షత్రం రోజున సీతారాముల కల్యాణ మహోత్సవాలు నిర్వహించడం విశేషం.

Advertisements
Published in: on April 8, 2011 at 4:39 am  Comments (1)  

The URI to TrackBack this entry is: https://tirumalatirupatitemple.wordpress.com/2011/04/08/%e0%b0%a8%e0%b1%87%e0%b0%9f%e0%b0%bf-%e0%b0%a8%e0%b1%81%e0%b0%82%e0%b0%9a%e0%b0%bf-%e0%b0%aa%e0%b0%9f%e0%b1%8d%e0%b0%9f%e0%b0%be%e0%b0%ad%e0%b0%bf%e0%b0%b0%e0%b0%be%e0%b0%ae%e0%b1%81%e0%b0%a1%e0%b0%bf/trackback/

RSS feed for comments on this post.

One CommentLeave a comment

  1. అమ్మవారికి అధిక ప్రాధాన్యం
    దేశమంతా శ్రీరామ నవమి రోజున సీతారాముల కల్యాణం నిర్వహిస్తారు. కానీ వాల్మీకిపురం పుణ్యక్షేత్రంలో అమ్మవారి నక్షత్రమైన ఆశ్లేష నక్షత్రం రోజున సీతారాముల కల్యాణ మహోత్సవాలు నిర్వహించడం విశేషం.
    ………………

    సీతమ్మ జన్మనక్షత్రం ఆశ్లేష నక్షత్రం అని తెలియజేసినందుకు గాను ‘ తిరుమల తిరుపతి దేవస్థానములకు ‘ కృతజ్ఞతలు.


Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: